Main to rakhta tha tum se aasha
Kitni lagan aur nishtha se
mai to paas tumhare aaya
kitne kasht uthhaye maine
hirdaya tumhara samjh na paya
pidit pahle se hi tha main
tumne mere dukh badhaye
chali gayi tum rooth achanak
koi karan bina bataye
koi dhayan diya kab tumne,
kabhi vivshta par bhi meri
karne me prasthan yaha se
zara na lagai thodi deri
jate samay na tumne koi
zara apna pan na dikhaya,
chale gaye tum rooth achanak
koi karan bina bataye
main to rakhta tha tum se aasha
karte tum upchaar humara
de dete tasilli zara si
keval apne vachno dwara
tumne dekh durdasha meri
dhang doosre hi apnaye
chali gayi tum rooth achanak
koi karan bina bataye.
Submitted By: Katyal on 12 -Mar-2010 | View: 1402
|
