Aati Titli
Inderdhanush-se pankhon waaali,
udati-firati aati titali,
phoolon ki pankhudiyon se mil,
din bhar hai batiyaati titali.
dal ke baahar bhi ekaaki,
rahati mauj manaati titli,
dhokhe se hi kabhi humaare,
haathon aa pachhtaati titli.
agar uda kar saath humein bhi,
door desh le jaati titli,
mann ke saare sapno ko sach,
karke yeh dikhalaati titli.
Poem: Ramsagar Sadan
Submitted By: Hardeep on 17 -Nov-2010 | View: 7282
|