Laaprawaahi ghaatak hoti
Beta Bunty der ho rahi,
fauran niche aao.
paani basta lekar apna,
sidhe padhne jaao.
panchar padi cycle kal se,
paidal hogaa jaana.
laut shaa ko aakar pahale,
isko thik karaana.
natkhat Bunty dheere - dheere,
basta lekar aaya.
aur der hone ke darr se,
mann hi mann ghabraaya.
daud bhaag kar kisi tarah woh,
paas sadak ke aayaa.
aur hadbadi ke kaaran woh,
BUS se jaa takraaya.
tuti BOTTLE faila paani,
chot kamar mein aayi.
uski naadaani ne usko,
naani yaad dilaayi.
break lagaa kar bas waale ne,
uski jaan bachaayi.
laaprawaahi ghaatak hoti,
baat samajh mein aayi.
Poem: Dr. Prashuram Shukal
Submitted By: Imtiyaz on 13 -Nov-2010 | View: 4265
|