Ped lagaao
yadi tum chaaho Bharat ke ho ghar-ghar mein khush-haali,
ped lagaao jagah-jagah par failaao hariyaali.
adhik ped honge dharati par adhik phool, phal hongein,
indhan, aushadhi ko paakar ke praani bhi khush honge.
prayavaran pradushan bhi to nahi fatkane paayega.
sheetal, shaghan, chhaon ko paakar, pathik, shramik sukh paayega.
geet sureele fir gaayegi koyal daali-daali.
ped lagaao jagah-jagah par failaao hariyaali.
har prakaar se ye maanav ke jeevan mein upyogi,
maanav ke ye sangi-saathi aur sada sahyogi.
dharati ki shobha hai is se, aur Anupam shringaar hai,
isiliye to dharati maan ko inse behad pyaar hai.
inse hai Bharati ki grima Bharat vaibhavshaali.
ped lagaao jagah jagah par failaao hariyali.
Poem: Shyamsundar Srivastav 'Komal'
Submitted By: Govind on 14 -Nov-2010 | View: 12537
|