Bachat ka mahatv
jeevan sukhi banega jab tum,
ek baat apnaaoge,
seekho bachat abhi se karna,
varna fir pachhtaaoge.
pratidin niyamit mehanat karke,
ujjval dhan sampati kamaao,
iska ek bada sa hissa,
nitya niyam se sada bachaao.
chhoti chhoti isi bachat se,
tum thakur ban jaaoge,
sikho bachat abhi se karna,
warna fir pachhtaaoge.
jo bach gaya wahi hai apna,
jo kuchh gaya ban gaya sapana,
jeevan ke iss durgam path par,
sapana kabhi hua hai apna?
bachat tumhari achhi hai to,
chaahoge wo paaoge,
sikho bachat abhi se karna,
warna fir pachhtaaoge.
tum bhi sab kuchh kar sakte ho,
tum bhi aage badh sakte ho,
bachat karo fir siksha lekar,
tum adhikari ban sakte ho.
bachat aisa mantr hai,
jaano jag ko yeh samjhaaoge,
sikho bachat abhi se karna,
warna fir pachhtaaoge.
Poem: Dr. Prashuram Shukl
Submitted By: Deepak on 04 -Nov-2010 | View: 10358
|
