Mahaan Guruji
Vidya dete daan guruji,
har lete agyaan guruji.
akshar akshar humein sikhate,
shabd shabd ka arth bataate,
kabhi pyar se kabhi daant se,
hum ko dete gyaan guruji.
jod, ghataana, guna bataate,
prashan ganit ke hal karwaate,
har galti ko thik karaate,
pakad hamaare kaan guruji.
dharati ka bhugol bataate,
itihaason ki katha sunaate,
kya, kab, kaise ho jaata hai?
samjhaate vigyaan guruji.
khel khilaate geet gawaate,
kabhi padhate, kabhi khilaate.
achhe aur bure ki humko,
karwaate pehchaan guruji.
Poem: Shiv Narayan 'Singh'
Submitted By: Neha on 02 -Nov-2010 | View: 12030
|
