Jhande ko laharaayenge
Khushiyon ki vela aayi hai,
jhoome, naache, gaayenge,
ghar-ghar ke chhajje-chhajje par,
jhande ko laharaayenge.
aaj tirangaa aasmaan par,
fahraayegaa fahar-fahar,
jan-jan ke mann mein jagegi,
aazaadi ki lahar-lahar.
aazadi par parwaanon ki,
yaadein fir duharaayenge,
ghar-ghar ke chhajje-chhajje par,
jhande ko laharaayenge.
angrejon tum bharat chhodo,
naara kaisa buland kiya,
mantra ahinsa waala dekar,
baapu ne azaad kiya.
charkha, khadi, swadeshi ko,
hum sab mil apnaayenge,
ghar-ghar ke chhajje-chhajje par,
jhande ko laharaayenge.
Poem: Shivnarayan Shiv
Submitted By: Vikram on 02 -Nov-2010 | View: 5890
|
