Gudiya meri pyaari pyaari
Gudiya meri pyaari pyaari,
mujhko bahut hansaati hai,
apne pyaare nayan nacha kar,
mann mera behalaati hai.
subah-subah hi uth jaati,
jal se khoob nahaati hai,
rang birange kapde pahane,
rehati wo ithlaati hai.
kabhi na ladati aur jhagarati,
sabko behad bhaati hai,
apne aur begaano par bhi,
kitna pyaar lutaati hai.
mann bojhil ho jaata hai mera,
agar ruth wah jaati hai,
door buraayi se hai rehati,
achhe gun apnaati hai.
Poem: Shiv Narayan Singh
Submitted By: Sumit Rana on 29 -Oct-2010 | View: 9064
|
