Gudiya rani
Gudiya rani ro ro kar kyun,
karti ji halkaan,
achhi lagati hai bachchon ke,
chehare par muskaan.
use chaahiye apni gudia
ki khatir ek gudda,
sundar aur sajila ho wo
nahi chalega buddha.
gudde gudiya dono ka hai
usko byaah rachaana,
sakhiyon sang milkar karna hai,
gaana aur bajaana.
shaadi mein jaayenge uske
saare sangi saathi,
kuchh dulhan ke ghar se honge,
kuchh honge baraati.
jam kar deni hai usko to
sab bachchon ko daawat,
gudde - gudiya ki shaadi mein
sabka hoga swaagat.
Poem:Rajkumar Jain 'Rajan'
Submitted By: Bali on 11 -Nov-2010 | View: 5705
|