Bachchon ki muskaan hai phool
Bachchon ki muskaan hai phool,
ritu basant ki shaan hai phool,
saari duniya ko mehakaate--
jyon sugandh ki khaan hai phool.
upwan ka armaan hai phool,
sushma ka gungaan hai phool,
prem aur shradha ki jag mein--
sadiyon se pehchaan hai phool.
katuta se anjaan hain phool,
titli ke nij praan hain phool,
madhumakkhi ke jeevan daata--
ali(bhanvra) ka gunjgaan hai phool.
Poem: Umashankar Yadav
Submitted By: Suchitra on 04 -Nov-2010 | View: 11150
|