Karo phool se baat
Aao aaj karenge mil,
phoolon se pyari baatein.
sone se chamkile din,
chaandi si ujali raatein.
Indradhanush rangon waali,
hai apni titli raani,
iske aage naani ki,
pariyaan bhi bharti paani.
baag-bagicho jhoom rahi,
khile phool ki baraatein.
koyal gaati kuhoo-kuhoo
daali par mithi sargam.
aao dhunde jhurmut mein,
geeton ki raani ko hum.
kaanon ko lagatin sukh kar,
mithi ras ki barsaatein.
genda aur gulaab heena,
juhi, champa belaa hai.
khushboo ka aaya mausam,
mehaka mehaka mela hai.
khilati muskaati kaliyaan,
laati pyaari saugaatein.
Poem:Shobha Sharma
Submitted By: Katyal on 11 -Nov-2010 | View: 7227
|
