Utho-utho mere pyare bachchon!
Ek vishal aag ka gola,
subah-subah nabh mein aa bola--
utho-utho mere pyare bachchon!
'din' ne hai darwaja khola.
utho-utho ab jaldi jaago,
bhago-bhago school ko bhaago,
pahunch wahaan karo 'Ish' ka dhyan.
buddhi do humein karuna nidhaan.
tatpashchaat ho kaam mein leen,
padho ganit mein ek, do, teen.
kahaan hai Bharat? kahaan hai Chin?
Kisne humein kiya adhin?
shiksha paakar waapis aao,
kha bhojan ab tum so jaao.
shaam talak mein tumhe khilaaun,
fir apne ghar ko jaaun.
khelo-kudo mauj manaao,
padhna-likhana bhool na jaao,
diye paath ka karo abhyaas,
maat-pitaa karein tumse aas.
ab dhalane ka hua samay,
din aur raat ki yahi hai lay,
ab mujhko jaldi jaana hai,
fir laut ke kal ko bhi aana hai.
Poem: Kanika Taneja
Submitted By: Vivek on 08 -Nov-2010 | View: 4628
|