Bhor huyi suraj ug aaya
Bhor huyi suraj ug aaya,
nikli chidiya chugne daane,
daali chhod gilhari utari,
lagi chhil kar beej khaane.
gaay, bhains chali charne ghaas,
bachhiya daudi unke saath.
haathi dada jhatpat patpat,
lage hilaane peepal daal.
najar bacha madhu makkhi ki,
bhaloo lag gaya shahad churaane.
kood faand kar chanchal bandar,
munh bhar kele laga udaane.
gayi andheri raat nind mein,
jangal lag gaya subah manaane.
bhukhe bhajan na hoyi Gopala,
uthte hi woh lag gaya gaane.
Poem:Dr. Rita Hazela 'Aaradhana'
Submitted By: Katyal on 09 -Nov-2010 | View: 12588
|