Humko pyaara lagate gaaon
Aangan mein peepal ki chhaon,
humko pyara lagate gaaon,
peepal par kauvo ki kaanv,
humko pyaare lagate gaanv.
koyal ki meethi boli,
pakke rangon ki holi,
gaanv ke kachche raston par,
bhaage bachchon ki toli,
aur sane mitti mein paanv,
humko pyaare lagate gaanv.
hare bhare leharaate khet,
panghat par sakhiyon ka het,
udti achhi lagati hai,
mutthi se sone si ret,
paani mein kaagaj ki naav,
humko pyaara lagate gaaon.
chori se ambiyaan lana,
chhat par chhup-chhup kar khaana,
nanhi muniya jab maange,
use angutha dikhlaana,
maali ki munchho par taav,
humko pyare lagate gaaon.
bachchon ki lambi-si RAIL,
gilli-dande ka vo mel,
kheti mein pakda-pakdi,
aankh michauli ka wo khel,
jab aata apne pe daanv(baari),
humko pyaare lagate gaaon.
Poem: Rajkumar Jain 'Raajan'
Submitted By: Balbir on 02 -Nov-2010 | View: 3366
|