Kadam badhaate chalo
Jo kaano mein madhu ras ghole,
wo geet sunaate chalo,
nafrat ki deewar tod kar,
kadam badhaate chalo.
bhed bhaav ke bandhan todo,
buri baat se mukhada modo,
sabaki peeda harte jaao,
mann se mann ka nata jodo.
ruthon ko bhi gale laga kar,
unko apnaate chale chalo,
nafrat ki deewar tod ke,
kadam badhate chale chalo.
path ke kaantein chunate jaana,
sankat se na tum ghabraana,
faulaadi mehanat ke sang-sang,
manjil ko apni paa jaana.
patjhad ke sab pankh kaat kar,
bagiya mehakaate chale chalo,
nafrat ki deewar tod kar,
kadam badhaate chale chalo.
pure mann se karo padhaayi,
isme hi hai khub bhalaayi,
bita samay na mud kar aata,
laabh uthaan mein chaturaayi.
mehanat ka fal meetha hota,
mehanat karte chale chalo,
nafrat ki deewar tod ke,
kadam badhaate chale chalo.
Poem: Rajender Nishesh
Submitted By: Anil on 04 -Nov-2010 | View: 3381
|