Kaale dhaule baadal aaye
Kaale dhaule baadal aaye,
naach naachate paagal aaye.
Indra Dhanush ka baana hai,
sukha kshetra nishaana hai.
sukha jangal hariya denge,
bhari puri nadiya denge.
taal talaaiya ubraayegi,
lehar naiyaa tairaa denge.
khet khet nandan hoga,
aanchal harit baran hoga.
jal ki pyaas na rahegi,
chinta paas na rahegi.
pashu pakshi tak harshaaye,
reh rah ghan jal barsaaye.
aisa mausam mastaana hai,
iss se sikhe ithlaana hai.
aao utsav ritu ka hai,
manaaye milke prakriti ka hai.
ghule mile ras rang ras,
aisi sundar ritu paawas.
Poem:Gafur 'Snehi'
Submitted By: Suresh on 10 -Nov-2010 | View: 6881
|
