Vijay pataka sang humaare
Vijay pataka sang humaare,
nischit vijay humari hogi,
phoolon se sikhein muskaana,
jharna kehata-- thahar na jaana,
nadiyaan, pahaad jo ho aage,
baadhaaon se mat ghabraana.
humko aag badhte jaana,
nishchit vijay humari hogi.
gurujano ka aadar karna,
dhyaan laga ke sadaa hai padhna,
achhi sikh sabhi se lena,
baat baat par nahi jhagadna
mithi vaani ka phal meetha,
nishchit vijay humari hogi.
desh humara sab se nyaara,
har dil mein hai bhaaiyi chaara,
miljul kar utthan karenge,
yahi to hain sankalp humaara.
dushman chaahe jo lalkaare,
nishchit vijay humari hogi.
Poem: Rajender Nishesh
Submitted By: Sunidhi on 05 -Nov-2010 | View: 4134
|
