Chidiya aur kauaa
Ek ped ki ek daal par,
ek kauaa ji rehate the,
kuchh bhi kaam nahi karte wah,
din bhar soya karte the,
usi ped ki ek daal par,
rehati thi ek chidiya rani,
din bhar karm karti rehati thi,
chug chug laati, daana-paani.
umad-ghumad kar baadal aaye,
rimjhim barsa paani,
chidiya maje se dekh rahi thi,
jham jham padta paani.
udhar bhookh ke maare kauaa ji ka,
haal bahut hi khasta tha,
kya ve khaayein, kahaan se laayein,
band har ek raasta tha.
nanhi chidiya samajh gayi,
kauye ki pareshaani ko,
pyar se boli- bhaiya ye lo,
kha lo kuchh daana.
kauaa ji ab shram ke maare,
ho gaye they paani-paani.
aalas nahi karunga ab main,
apne mann mein yun thaani.
Poem: Meera Singh 'Meera'
Submitted By: Tarun on 05 -Nov-2010 | View: 10647
|