Bhaaloo aur Madaari
Bhaaloo lekar ek madaari,
naye shahar mein aaya.
beech dagar se thoda hat kar,
apana khel jamaaya.
sabse pahale damaroo lekar,
dam dam use bajaaya.
fir apni aawaaj badalar,
jor se wah chillaya.
bachchon ne aawaaj suni to,
kaam chhod kar bhaage.
rel pel bhi shuroo ho gayi,
kaise pahunche aage.
bhaari bheed dekh bachchon ki,
chatur madaari bola.
kaalu beta ram ram kar,
ban ja bachcha bhola.
kaalu ne kar ram ram fir,
apana munh failaaya.
ek pair par khada ho gaya,
jam kar naach dikhaya.
topi lal lagaakar usne,
kartab naye dikhaye.
uske khel dekh kar bachche,
phule nahi samaaye.
Poem: Dr. Prashuram Shukl
Submitted By: Vikram on 14 -Nov-2010 | View: 2791
|