Berojgaari
Dar-dar thokareyn kha rahe hain,
Hi berojgaari kab tak rahegi.
Mar jayenge berojgaar hi hum,
Degreeyaan jebon mein rahengi.
Chhabis saal ho gaye hamaare,
Bas ek saal aur hai hamaraa.
Agar ho jaye kalyan isme,
Bhalaa ho sarkaar tumhara.
Hai jan ki sankhya badhti,
Berojgaari aur sataati,
Kya karegi sarkaar hamaari,
Berojgaari kaise hatati.
Das bachhe honge ek ghar,
Yahi aadat ban rahegi.
Mar jayenge berojgaar hi ham
Degreeyaan jebon mein rahengi.
Door hai rojgaar daftar,
Thak gaye chakkar kaatate.
Kahan se laaye es mahangaayi main,
Toot gaye joote hamaare.
Rok lagao karo niyojan,
Tabhi kam hogi berojgaari,
Aray jyada bachhe na ho aapke,
Yahi vinti hai hamaari.
Submitted By: Shiv Charan on 26 -Feb-2010 | View: 3558
|
