Chhitke pyaare taare hain
Nile nile ambar par,
chhitke pyaare taare hain,
suraj ki kirano se hi ye,
cham cham karte saare hain.
kabhi lade na jhagadein ye,
milkar saare rehate hain,
door door tak dhara pe ye,
ujiyaare karte rehate hain.
shwet dhawal parkash se apne,
bhule pathik ko raah dikhaate,
karo niswaarth sewa tum sabki,
paath 'DEEP' ye humein padhate.
Poem: Deepak Kumar deep.
Submitted By: Sunidhi on 29 -Oct-2010 | View: 12611
|