Sabhi phalon ka raja aam
Sabhi phalon ka raja aam,
achha lagata taaza aam.
waah! aam ke naam anek,
nyaare swaad ek se ek.
malihaabaadi, langada aam,
chhota koi tagada aam.
aamra, rasaal, amrit, sahkaar,
ye hindi mein naam prakaar.
laal - basanti - peele aam,
koi bade rasile aam.
sabhi bhaanti gunkaari aam,
sabka hai upkaari aam.
aam VITAMIN se bharpur,
karta hai krishta ko door.
karta devon jaise kaam,
pada 'Devphal' iska naam.
iski guthali ka upyog,
harta vividh pet ke rog.
nirdhan jan hon ya ki naresh,
aam sabhi ko priya svishesh.
Poem: Bhanudutt Tripathi 'Madhuresh'
Submitted By: Tarun on 05 -Nov-2010 | View: 15809
|