Aao baadal ji
Ghir-ghir laao paani,
aao baadal ji.
bula rahi hai naani
aao baadal ji.
pyaas gale mein ataki,
nahi saha jaata.
badhati jaati garmi,
mann hai akulaata.
tadape machhali raani,
aao baadal ji.
dhool ud rahi hain galiyon mein,
suna hai aangan ghar,
sannata hai bhitar, sannata hai baahar.
aandhi ho gayi manmaani aao baadal ji.
tum aao to saawan aaye aur aaye hariyaali,
indradhanush ug aaye satrangon waali.
tum to thahare daani aao baadal ji.
Poem: Ramsewak Sharma
Submitted By: Mohit on 09 -Nov-2010 | View: 5140
|