Garmin kaise door bhagaayein
aao bachchon, tumhe bataayein,
garmin kaise door bhagaayein.
subah savere uthkar khelo,
taaji hawaa ko andar bhar lo.
thande paani se fir nahaao,
garmi aise door bhagaao.
garmi mein tum baahar na jaana,
ghar par rah kar mauj manaana,
agar pade zaroori jana,
sang apne chhata le jaana.
khoob pee kar jaana paani,
apni na karna manmaani,
saada bhojan hi tum khaao,
garmi aise door bhagaao.
phal khaao thande aur rasile,
meethe-meethe aur lachile.
jaise kharbuja, cherry, lichi aur tarbooj,
faalsaa, jaamun, bel aur shahtoot.
chatani aur murabbe khaao,
garmi aise door bhagaao.
Poem: Usha Sarin
Submitted By: Tarun on 16 -Nov-2010 | View: 13361
|
