EverythingForCity.com  
Login Register
Login Register
Home | Entertainment | Our India | India Yellow Pages | Tools | Contact Us
Shayari | Quiz | SMS | Tongue Twister | Poem | Fact | Jokes
 
 
 
 
 
Home –› Entertainment –› Poem –›Politics Poem
» Politics Poem
Mera Desh Mahaan

Jagah-Jagah par poster lage hai Mera desh mahaan.
Sansad mein sab chor base hai
Thagg base hai thane mein,
Kursi par aise hai baithe jaise
Saanp lipte hon chandan mein
Media ab kya kare bakhaan,
Jagah-Jagah par poster lage hai Mera Desh Mahaan.

Kahin aag lagi kahin dhuwan utha
Kahin bhukamp kaa kahar toota,
Daan daataon ki soochi akhbaar mein
paisa sab dalaalon ne loota,
Sarkaar kaa bik jata naam
Jagah-Jagah par poster lage hai Mera Desh Mahaan.

Gaaon mein bijali ke khambe-taar
light naam ki cheez nahin,
Bhakara-Tehri Dam lage hai
nalon mein phir bhi paani nahin,
paani ki lambi lagi kataar
Jagah-Jagah par poster lage hai Mera Desh Mahaan.

Pati-Patni kaa rishta ajeeb hai
Saal ke baad talaak jarur hai,
Beta baap ko baap na samajhe
Baap ke paison kaa bahut grur hai,
Yeh sab dekh Kya kare Bhagwan
Jagah-Jagah par poster lage hai Mera Desh Mahaan.

Mahangai aasman ko chhuti,
Sensex bhi kya khoob gira.
Paise ki kadar nahi hai bhai,
Dollar bhi toh doob gaya.
Jeena ab ho gaya haraam,
Jagah-Jagah par poster lage hai Mera Desh Mahaan.

Udyogpati toh khoob chadhe hai,
Karmchaari ka bhavishya latka hai.
IT ka hai ye bolbala,
Kaam bhi toh kya fatka hai.
Recession mil gaya hai naam,
Jagah-Jagah par poster lage hai Mera Desh Mahaan.


Rojgaar ki ujari duniya
Madhyam varg ke logon ki,
Ghar ka kharcha kaise chalega,
Fikar lagi hai roti ki.
Bhagwan bhi ab hai hairaan,
Jagah-Jagah par Poster lage hai Mera Desh Mahaan.

Maa baap ne tumko janam diya,
Duniya ke rang dikhaye hai.
Dhalti umar dekh ab unki,
Vridhashram mein bithaye hai.
Mata ka hota hai apmaan.
Jagah-Jagah par poster lage hai Mera Desh Mahaan.

Raajneeti kya khoob ho rahi,
Har neta bhookha nanga hai.
Desh chalau kurshi ke liye,
Gali mohalle mein danga hai.
Naara gunja bina shanti ke,
De do hamein shanti ka daan,
Jagah-Jagah par poster lage hai Mera Desh Mahaan.

Submitted By: Shiv Charan on 23 -Feb-2010 | View: 5293

Help in transliteration

 
Related poem:
Browse Poem By Category
 
 
 
Menu Left corner bottom Menu right corner bottom
 
Menu Left corner Find us On Facebook Menu right corner
Menu Left corner bottom Menu right corner bottom